१५ जनवरी 2019क प्रारम्भ मकरसंक्रान्तिक दिन दही चूरा तिलवा लाई डालना संगे मैथली सिनेमाक भविष्यक नव शुरुआत भेल। बिहार सिने आर्टिस्टअशोसियेशनक तत्वाधानमें आयोजीत "मैथिली सिनेमाक मकर मिलन समारोह" जाहिमे मैथिली सिनेमाक विविध विधा सँ जुड़ल निर्देशक, कलाकार, संगीतकार, टेक्नीशियन अपन उपस्थिति दर्ज केलैथ, जाहिमे BJP भारतीय फिल्म अशोसियेशन प्रकोष्टक राष्ट्रीय अध्यक्ष एवँम अभिनेता श्री फूल सिंह जी, समाजसेवक अभिनेता श्री SC Mishra जी, फ़िल्म प्रेमक बसतक निर्माता वेदानन्द झा जी, सुपरस्टार खलनायक (गजराज) श्री राजीव सिंह, सुपरस्टार सजनाके अँगनामे सोलहसिंगारक हीरो श्री राहुल सिंह जी हीरोइन सुश्री राखी त्रिपाठी, गीतकार S Kumar हिंदी फिल्म निर्देशक श्री शशि वर्मा जी, गायक श्री संजय झा जी, संगीतकार गायक श्री सुनील पवन झा जी सबहक उपस्थित अति गरिमामय बहुत मनोरंजक रहल, सब केओ मैथिली सिनेमाक दसा दिशा उत्थान पर अप्पन अप्पन बहुमूल्य विचार रखलैथ।
अहि समारोहमे हमरा मैथली सिनेमाक लेल कएल गेल योगदानक लेल लाइफ टाईम अचीवमेंट अवार्ड सँ समानित कएल गेल, तहिलेल हम बिहार फ़िल्म अशोसियेशनक हृदय सँ आभार प्रकट करैत छियैन्ह।
पंगहैतमे वरिष्ठ एडिटर श्री विभूति भूषण जी, प्रसिद्ध अभिनेता श्री लल्लन सिंह, एवँम सुपरस्टार हीरो ललितेश जिक अनुपस्थिति कने खटकल।
अहि कार्यक्रमक आयोजक जे स्वयं एकटा माजल परिपक्व अभिनेता जिनकर शीघ्र रिलीज होम वला श्री मनोज श्रीपति द्वारा निर्देशित फ़िल्म LOVE U दुलहिनक मुख्य खलनायक छथि आ बिहार सिने आर्टिस्टअशोसियेशनक अध्यक्ष श्री अमिय कश्यप जीकेँ आभार एवँम धन्यवाद नहि देवैन्ह तहन ई अपराध होएत, हिनके अथक प्रयास सँ मकर मिलन समारोह सफल भेल आ पहिलबेर मैथिली सिनेकर्मी सबकेँ एक छत्ता तर बैसक मैथिली सिनेमा पर चिंतन मनन विचार विमर्श करवाक सँयोग जुड़ल। श्री अमिय कश्यप जीकेँ पुनः धन्यवाद।
जय मिथिला।
