ई छथि नवोदिता अभिनेत्री रोशनी झा , सुपरहिट मैथिली फ़िल्म “ मुखिया जी”क मुख्य नायिका । हिनकर अन्दर छुपल अभिनय क्षमता देखि कय विकास झा द्वारा निर्देशित फ़िल्म “ मुखिया जी” में रोशनी जी के अहम भूमिका देल गेल रहय । मुखिया जी में हिनकर अभिनय अति प्रशंसनीय अछि।
वर्तमान में, रोशनी जी जनकपुर , नेपाल में रहिकय अपन स्कूली शिक्षा ग्रहण कय रहल छथि। “मुखिया जी” के छोड़िकय, रोशनी जी एकटा मैथिली सीरियल, संभवत: “ अहां बिना कोना जीयब” में से हो नीक काज केने छथि। ई सीरियल सौभाग्य मिथिला तथा नेपाल 1 पर प्रसारित कयल गेल अछि। व्यक्तिगत तथा कार्यकुशलताक स्तर पर रोशनी जी पूर्ण क्षमता सं युक्त एकटा नीक आ सौम्य अभिनेत्रीक रुप में उभरि कय सामने औलिहअन।– भास्कर झा
